Die Dorfherrlichkeit des Deutschen Ritter Ordens in Oberstockstall

 

Aus dem Jahre 1255  stammt der erste urkundliche Nachweis über den Erwerb von Grund und Boden in Oberstockstall durch den Deutschen Ritterorden.

Mit diesem Jahr hebt ein neuer Abschnitt in der Geschichte der Besitzverhältnisse in Oberstockstall an, soweit das Gebiet nicht vom Besitzkomplex des Passauer Domkapitels umfasst war, sondern westlich und nördlich desselben im Anschluss an das Angerdorf Oberstockstall lag.

Die Namen der Geschlechter von Stochestale, Stockstall und Werd verschwanden allmählich. Der Deutsche Orden trat an ihre Stelle, erlangte schließlich die Dorfherrlichkeit in Oberstockstall, um sie nach 200jähriger Blütezeit 1459 an das Stift St. Dorothea zu überlassen.

 

Der Deutsche Orden in Wien verkauft am 11.06. 1459 dem Stifte St. Dorothea in Wien Güter und Gülten zu Oberstockstall bei Kyrichberg und Umgebung. 

"Ich, Bruder Johanns vom Pomershaym. zu den Zeiten Lannd Comentewr daewtschen Herren Ordens in Österreich. Und verleser des Haws datz dem daewtschen Hauss ze wienn. Und wier die Brüderschafft gemanklich daselbs. Bekennen für uns und all unser Nachkomen. Und tun Kunt offenlich mit dem brief allen lewten gegeburtigen und kumfftigen. den dieser brief fürkumbt und gezaigt wirdet. das tun wir mit guten willen. mit wolbedachten mut. und mit verayntem Rat unsewr Bruderschafft. und des ganczen Capitels der Woley österreich. zu der zeit da wir es mit recht wol getun möchten. und mit willen. wissen und geschefft. und bey gehorsam unsers Hochmaist zu Prewssen. Herren Ludweichs von Exelhawsen. das wir dem strengen Ritt. Herren Achaczen Bohunko. haben muessen ausrichten aws dyser woley österreich. gelichen geltz. und vedientz soltz sechzehenHundert guldein in gold. und siebenUndfumftzig guldein. darumb wir unser grunt und gült haben müssen verkawffen in dyser woley. Und von wegen ernstlich´n gescheffts des unverbindlichsten Herren und Fürsten. Herren Fridreichs Römischen kaysers. und kinig ze Hungern. ze Dalmaczien. ze Croatzien ec. und Herczogen ze Österreich. ze Steyrn. ze Kerendn. und ze Krain ec. unsers allergnaedigisten Herre. V´kaufft haben die hernachgenantn gült und gut. die zu dem vorgenantn unserm Haws. datz dem dewtschen Haws ze wienn gehört habent. und die unser freyes aigen sind gewesen. und die zu den Zeiten. die hernachgenantn Lewt dienent zu den zweyn tegen ym Jar. zu sand Michels tag. und zu sand Jorgen tag.

Des ersten auf behawsten guet zu Obernstokstal bey Kyrichperg. zu sand Michels tag. Hanns Zimerman von ainn halben lehen. sechs schilling phennig. drew huen. Item Christan phlügler. von ainn halben lechen. sechs schilling phennig. drew huen. Ite Michel falsstrab. von aim halben lechen. sechs schilling phennigg. drew huen. Item Maert Rottenkchitl. von ainn halben lechen. sechs schilling pfennig. drew huen. Item wolfgang voyt. von ainn halben lechen. sechs schilling phennig. drew huen. Item Elspeth Emringinn von ain Hofstat. dreyzehen phennig. Item Janns Smyd. von aim ganczen lechen. aindleff schilling phennig sechs huen. Item Peter gabriel. von ain Hofstat. sechsundczwainczig phennig. Item Hanns Loffler. von aim halben lehen sechs schilling phennig. drew huen. Item Stephan Smyd. von aim halben lehen. fünff schilling. vier phennig. und drew huen. Item Mert Thaman. von ainn halben lehen. sechs schilling phennig. drew huen. Item Anna Huegholtinn. von ain Hoffstat. ainn und fünffczig phennig. item Hanns pyber. von ain Hofstat. dreyssig phennig. Item auf veldlechen. Elspet Löfflerinn. von ainn viertail veldlechen. Siebenundachczig phennig. anderthalb huen. Item dieselb. von aim viertail veldlechen. Siebenundachczig phennig. anderthalb huen. Item Item Stephan Chunter. von aim viertail veldlechen. Sechczig phennig. Item der Pharr zu Kyrichperg. von aim halben veldlechen sechczig phennig. Item Hanns gabriel. von aim halben veldlechen sechs schilling phennig. drew huen. Item auf uoberlenden. Elspeth Löfflerinn. von aim viertail akcher. achtthalben phennig. Item Stephan Smyd. von ain Jeruchart akcher. fumffczehen phennig. Item derselb von ain öden. zehen phennig. Item Jorg wolff. von ain Jeuchart akcher. fünffczehen phennig.

Item zu Englmarsprun auf behawstem gut. zu sand Michels tag. Stephan liebenkind. von aim halben lechen. ain halb phunt phennig. Item Chunrat redler. von aim halben lechen. ain halb phunt phennig. Item Pertl man von aim halben lechen. fümff schilling. zechen phennig. Item Peter pewntn. von ain viertail lechen. achczig phennig.

Item zu Ottental auf behawstem gut. zu sand michels tag. Thaman Lantsidl von aim viertail lechen. drey schilling phennig. anderthalb huen. Item wilpold Rigl. von aim halben lechen. sechs schilling. drew huen. Item Pet´ Chocz. von aim halben lechn sechs schilling phennig. drew huen. Item Syman Öder von ainn viertail lechen drey schilling phennig anderthalb huen. Item der Radendorffer von aim viertail lechen Siebenundachczig phennig. anderthalb huen. Item Lienhart Eyczenperg. von ain Hofstat. sechs phennig. Item Hanns Chotz. von aim viertail lechen drey schilling phennig. anderthalb huen. Item Jorg Ruedl. von ain öden Hofstat. Sechs phennig. Item auf veldlechen. Cristan Mülnär von aim viertail veldlechen. achtundvierczig phennig. Item Peter Ekchart. von aim viertail veldlechen. achtundvierczig phenning. Item Lipp Choczinn. von aim viertail veldlechen. sechzig phennig. Item auf uberlendt. Jäkel snell. von aim Jeuch akcher. fumffczehen phennig. Item ze? Müln. von anderthalb Jeuchen akcher. zwainczig phennig.

Item auf behaustem gut zu Hochenbart. der Pharr daselbs. von ain Hofstat, zwelf phennig. Item Michl Mändl. von ain Hofstat. zwelf phennig. Item Lienhart Snawpinger. von ain Hofstat.  achtundzwainzig phennig. Item auf überlendt aekchern. Veyt Kutlär Sechczig phennig. Item Nikl Kuttlär von Kery,. Sechczig phennig.

Item auf behaustem gut zu Sittendorf. Michel Enikl. von aim halben lechen. ain halb phunt phennig. Item Erhart Meingnass von ain Hofstat. fümff helbling. Item Stephan Chotz. von ain Hofstat fümf Helbling. Item der Plaetl von Härstorff. von aim halben  lechen. ain halb phunt phennig. Item Jorg Kueneysen. von ain Hofstat sechs phennig.

Item zu Chobelspurkg. auf behaustem gut. Jacob paltram. von ain Hofstat zwelf phennig. Item von der velz mül. vierundzwainczig phennig.

Item zu Colesdorff. Wolfgang maderin. von ain Hofstat Sechs phennig.

Item zu Winkl auf überlent eckchern. Jorg peltz. von drey Jeuch´n akcher. dreyssig phennig. Item Kathrey wolffinn. von ain Jeuch akcher. zwelff phennig.

Item zu Roppoltztal margreth Euffewrlin und Jorg ir sun. von dritthalb Jeuch akcher zechen phennig. Item Lipp gräwlinn. von drey Jeuchen akcher. zwelf phennig. Item Mathes Hellrigl. von fümff viertail akcher fümff phennig. Item Jorg präntl. von  fümff viertail akcher  fümff phennig. Item Nikl leopolt. von drey Jeuch´n akcher. dreyczehentthalben phennig. Item Jacob Emer. von drey Jeuch´n akcher,  dreyczehentthalben phennig.

Item zu sand Jorgen tag. Ze Englmarsprun auf behaustem Gut. Stephan Liebenkind. von aim halben lechen. ain halb phunt phennig. Item Kunradt Rädler. von aim halben lechen. ain halb phunt phennig.

Item auf ueberlendt ze Obernstokstal. sand Niklas Cappelan zu Kirichperg. von drein Jeuchen akcher. vierunddreyssig phennig. Item Jans Löffler. von vierdhalb Jeuchn akcher. vierczig phennig. Item Lucas Irrenfreyd. von dritthalben Jeuchen akcher. achtczehentthalben phennig. Item Nickel Göldn. von ain Jeuch akcher. Sieben phennig. Item derselb von ain Jeuch akcher. Zechen phening.

Item auf ueberlendn zu Ottental. Ott stürznhafn. von zwain Jeuchen akcher. Sechs phennig. Item Cristan Müln. von ain halben Jeuch akcher.  Sechs phennig. Item Lienhart Enczesdorffer. von zwain Jeuchen akcher. zwainczig phennig. Item derselb von ain halben Jeuch akcher. sechs phennig. Item Stephan Märl. von zwain Jeuchen akcher. zethen phennig. Item Jorg Rüdl. von zwain Jeuch´n akcher. Sechczehen phennig. Item Wolfgang Läucht. von ainhalben Jeuch akchers. zwen phennig. Item Jorg Löffler. von ain Jeuch akchers, dreyzehen phennig. Item. Janns mändl.von ain Jeuch akchers. dreyczehen phennig.

in den dwirch´n aekchern. item Wilpot Rigl. von zwain Jeuchen akchers. dreyssig phennig. Item Jorg Snell. von ain Jeuch akchers. vier phennig. Item vier oeden behaustn guets. ze ödenprun davon man gedient hat. ain phunt phennig. Item zwelff schilling gelts. ze krembs auf behaustem guet. zu sand Michels tag. Item Jorg Greyl ze Nusdorff. gelegen in der pharr zu der Heiligenstat. oberhalb wienn. von ain Haws. vier prat penkchen. und aim Pawmgarten hinden daran. zenast Hanns Pawr´n Haws. fumffthalb phunt phennig. zu sand michels tag. Die vorgenant´n gült  und gut alle. als sy vor an den brief geschriben steent. und alles das. das darczue gehöret. Ze veld und ze dorff. es sey gestifft oder ungestifft. versucht oder unversucht. wie das genant. oder wo das gelegen ist. nichts aufgenoemen. allse inbeslossen. Haben wir recht und redlich verkaufft. und geben mit allen den eren. nüczen. und rechten.als wir sy in aigens gewer unversprochenlichen Inngehabt und herbracht haben. und als sy von allter herkomen sind. umb ain Summ gelts. der  wir gantz und gar verricht und gewert sein. dem Erwürdien Herren Hern Stephan  zu den Zeiten Brobst des Klosters datz sand Dorothea ze wienn. Und dem Convent gemain daselbs. und allen Iren Nachkomen. dieselben gült und gut

und alles das. das darczu gehört als vorgeschriben steet. fürbas lediklich und freylich zehaben. zenüzen. und zeniessen. und allen Iren frumen damit zeschaffen. verkauffen. verseczen und geben wem sy wellen. und alles das damit tun. und handeln. das In allerpest fügt oder wolgevelt. als mit andern iren freyen aigen gülten und gütern. die zu dem obgenant´n Irem Klost datz sand Dorothe ze wienn gehoerent ungevärlich. Und durch pesser sicherhait willen. So seczen wir und Ich Bruder Johanns von Pomershaym lannd Comenewr. Und wir die gancz Prüderschafft  des Hawss datz dem daewtchen Haws ze wienn mitsambt allen unsern Nachkomen. über die vorgenant´n gült und gut. und all ir Zugehörung. als sy vor an dem brief geschriben steent und begriffen sind. den obgenant´n geistlichen Herren. Brobst Stephan. und dem ganczen Convent. und Iren Nachkomme. Zu rechte gwer und scherm für alle ansprach. als freyer und aigner guet. und des Lanndes ze österreich recht ist. Gieng In aber daran icht ab. oder stünd in Icht Kryeg oder ansprach daran auf von wem das wär mit recht. was sy des schaden nement. das sullen wir In alles ausrichten und widerkern an allen Iren schaden. und sullen auch sy das haben datz uns und unsern Nachkomen. und auf allem dem gut. das zu dem vorgenanten unserm Haws datz dem dewtschenhaws zewienn gehöret. wie das genant. oder wo das gelegen ist. nichts aufgenomen. Und das der Kauff fürbas also stet und unczebrochen beleib. des ze urchunt Geben wir In den brief besigelt mit meins obgenant´n Bruder Johanns von Pomershaym Lannt Comentewrs daewtschen Herren ordens Anhangenden AmptInsigl. Und mit des vorgenant´n Haws datz dem  daewtschenhaws ze wienn anhangundn Insigel. Und durch pesser sicherhait willen. haben wir fleissikleich gepeten. die Erbern weysen, Conrady den Strobel. und Syman den Tämppl. bayd Purger ze wienn. das sy zu geczeugnueß der sachen. Ir Insigl an den brief Angehangen haben. In und Iren Erben an scaden. Geben ze wienn. Nach Kristi gepurde vierzehenHundert Jar. darnach in dem Newnundfuemffczigistn Jare. An mantag vor sand Veyts tag des Heyligen Martraer."

 

Das  Original der Verkaufsurkunde befindet sich auf der Website:

http://www.mom-ca.uni-koeln.de/mom/AT-StiAK/StDorotheaCanReg/1459_VI_11/charter?q=1459 VI  11  

 

Mai 2013
Andreas Nowotny